Ang MIGRANTE-NL Den Haag ay malayang organisasyon ng mga migranteng Pilipino sa Netherlands. Ito ay itinatayo bilang isang organisasyon na titindig para sa kapakanan at magsusulong ng mga karapatan at kagalingan ng mga migranteng Pilipino sa Netherlands.
Hinahangad ng MIGRANTE-NL Den Haag na mulatin ang mga migranteng Pilipino tungkol sa ugnayan ng paglikas ng mga kababayan ng bansa at ng pambansang kalagayan ng ekonomiya at pulitika, pukawin ang kanilang makabayang damdamin, maorganisa at mapakilos sila at ang kanilang mga pamilya para lutasin ang problemang ito at makamit ang tunay na pagbabago sa Pilipinas.